உபுண்டுவில் ஷ வரும் போது முன் எழுத்தின் மேல் ஏறிக் கொள்கிறது. உபுண்டு 9.04, உபுண்டு 9.10 இரண்டிலும் இந்தப் பிரச்சினை. எனக்கு மட்டும் தான் இந்தப் பிரச்சினை என நினைத்தேன். பத்ரியும் இது பற்றி எழுதியுள்ளார்.
எடுத்துக்காட்டுப் படம்: http://tinypic.com/view.php?pic=2z52npg&s=4
கா. சேது | K. Sethu
Administrator
ரவி
அவ் வழு Lohit Tamil எழுத்துருவில் இருந்து வருவதைக் கண்டறிந்தேன். உபுண்டு மட்டுமல்லாமல் பெடோராவிலும் இருப்பதால் இது எழுத்துரு அகத்தினுள் உள்ள வழு.
நீண்ட காலமாக நான் முன்னிருப்புகளுக்கு சூரியன்டாட்காம் எழுத்துரு பயன்படுத்தி வருவதால் Lohit Tamil இல் அப்பிரச்சினை இருப்பதை அறிந்திருக்கவில்லை.
அவ் எழுத்துரு ஆக்கி பராமரித்து வருபவர்கள் ரெட் ஹாட் / பெடோரா Lohit Fonts குழுமத்தினர்.
அக் குழுமத்துக்குத் தலமை தாங்கும் திரு Pravin Satpute க்கு இன்று காலை தனிப்பட்ட மின்னஞ்சல் அனுப்பி இப்பிரச்சனை சுட்டிக்காட்டி பத்ரியின் வலைப்பதிவை மேற்கோள் இட்டு எங்கு வழு அறிக்கை சமர்பிக்க வேண்டும் என கேட்டிருந்தேன்.
அவர் பதிலில் எங்கு வழு அறிக்கை இட வேண்டும் என சுட்டிக் காட்டியதுடன் ஒரு 2 மணி நேரத்துக்கள் தானே வழு அறிக்கை ஏற்படுத்தி வழுவை மூலத்தில் அகற்றி உள்ளார்.
https://bugzilla.redhat.com/show_bug.cgi?id=536724
அப்பக்கத்தில் குறிப்பிட்டவாறு வழு தீர்க்கப்பட்ட எழுத்துருவை அப் பக்கத்தில் சுட்டிக்காட்டப்படும் rpm பதிவறக்கி ரெட்ஹாட் / பெடோராக்களில் நிறுவி வழு அகலுகிறதா எனச் சோதிக்க வேண்டும். நான் எனது பெடோராவில் இன்று மாலையின் பின் சோதிப்பேன். சோதித்து சரி எனில் அவர் commit செய்து அதன் பின் திருத்தப்பட்ட எழுத்துரு வெளிவரும்.
முடிந்தால் வேறு பெடோரா பயனர்கள் சோதித்து பார்க்கவும் செய்தி பரப்புங்கள். மேலும் இப்பகலில் நேரம் கிடைப்பின் பத்ரியின் வலைப்பதிவில் பின்னனூட்டம் வழியாக இம்மடலைச் சுட்டிக் காட்டுங்கள்.(எனக்கு மாலைக்கு முன் மேலும் நேர ஒதுக்க இயலாது)
வியப்பேற்றும் அளவிற்கு வேகமாக இயங்கும் Pravin Satpute க்கும் அவர் சார்ந்துள்ள பெடோரா லோகித் குழுமத்தினருக்கும் நமது பாரட்டுகளும் நன்றிகளும்.
சேது
சூரியன் எழுத்துருவில் இந்த சிக்கல் இல்லை
http://img.photobucket.com/albums/v739/sajee/Screenshot-24.png
சேது, உங்களின் விரைவான நடவடிக்கைக்கு நன்றி. மென்பொருள், இணையத் துறையில் பல பெரிய தலைகள் உடனுக்குடன் பதில் அளிப்பது, நடவடிக்கை எடுப்பது கண்டு நானும் வியந்திருக்கிறேன்.
கா. சேது | K. Sethu
Administrator
வழு அகற்றப்பட்ட எழுத்துரு மேம்பாடை Lohit-Tamil.ttf என்ற பெயருடன் பிரவின் (Pravin Satpute) அவர்கள் 12 நாட்கள் முன்னரே http://pravins.fedorapeople.org/Lohit-Tamil.ttf தளத்திற்கு பதிவேற்றியுள்ளார். வழுப்பக்கத்தில் உள்ள மேலதிக உரையாடல்களை https://bugzilla.redhat.com/show_bug.cgi?id=536724 பக்கத்தில் பார்க்கலாம்.
உபுண்டுகளில் இருக்கும் lohit_ta.ttf எழுத்துருவின் மேல் மேம்படுத்தப்பட்ட Lohit-Tamil.ttf ஐ இற்றைப் படுத்த பின்வரும் படிகள் செய்யலாம். கனோம், கேடீஈ மற்றும் xFce என எந்தவொரு கணிமேசைக்கும் பொதுமையான வழிமுறையானது ஒரு முனையம் வழி கட்டளை வரிகள் இட்டு செயல்படுத்துவது. அவ் வழியையே இங்கு காட்டுகிறேன்.
1. தங்கள் பயனர் இல்லத்தில் இருந்தே ஒரு முனையத்தை திறவுங்கள்
2. எழுத்துருக்கள் பதிவிறக்கி வைத்துக் கொள்ள ஓர் அடைவை ஆக்க பின்வரும் ஆணை இடுங்கள்:
(அடைவு பெயர் காட்டாக myfonts)
mkdir myfonts
3. cd கட்டளை வழி myfonts க்குள் செல்லுங்கள் :
cd myfonts
4. Lohit-Tamil.ttf ஐ அவ்வடைவினுள் பதிவிறக்குங்கள் :
wget http://pravins.fedorapeople.org/Lohit-Tamil.ttf
5. பதிவிறக்கப்பட்ட கோப்பின் அனுமதிகள் எழுத்துருக் கோப்புகளுக்குப் பொருத்தமானதாக இருக்க உறுதி செய்யுங்கள் :
chmod 644 Lohit-Tamil.ttf
6. பதிவிறக்கியதை கட்டகம் பயன்படுத்தும் lohit_ta.ttf விற்கு இற்றைப் படுத்துங்கள் :
sudo cp Lohit-Tamil.ttf /usr/share/fonts/truetype/ttf-indic-fonts-core/lohit_ta.ttf
7. உபுண்டு 9.04 (யோண்டி) அதற்குபின் வந்த 9.10 (கருமிக்) களில் ஒவ்வொரு 30 நொடிகளுக்கு ஒரு முறை Fontconfig fc-cache ஆணை பயன்படுத்தி ஏற்பட்ட மாற்றங்களை தானியக்கமாக இற்றைப்படுத்திக் கொள்கிறது. எனவே மேலதிக நடவடிக்கை தேவையில்லை 30 நொடிகள் பொறுத்திருப்பின்.
உபுண்டு 9.04 (யோண்டி) க்கு முன்னதான இயங்குத் தளமாயின் பின்வரும் ஆணை இடுங்கள் :
sudo fc-cache -fv /usr/share/fonts/truetype/ttf-indic-fonts-core/
இனி முனையத்தை மூடலாம்
=============================================
அடுத்தது உரைதிருத்தி ஒன்றில் Lohit Tamil என எழுத்துரு தெரிவுடன் ஷ வை ஏதாவது எழுத்துக்கு அடுத்து உள்ளிட்டு முன்னர் இருந்த வழுவற்று வருகிறதா என சோதித்து உறுதி செய்யுங்கள்.
தங்கள் இல்ல அடைவின் கீழ் உள்ள myfonts அடைவினுள் உள்ள Lohit-Tamil.ttf எழுத்துருவை காப்பாக வைத்துக் கொள்ளுங்கள்.
ஏனெனில் தாங்கள் பிணைய வழியாக உபுண்டுவின் பொதிகள் களஞ்சியத்தில் (repository) இருந்து தரப்படும் மேம்பாடுகளை அவ்வப்போது இற்றைப்படுத்துகையில் இவ்வெழுத்துருவைக் கொணரும் ttf-indic-fonts-core பொதியின் மேம்பாடும் வரலாம். அவ்வாறு வரக்கூடிய உபுண்டு பொதிகளை பேணுவோர் தரும் மேம்பாடு மேற்காட்டிய பெடோரா மேலோடையினரால் அண்மையில் செய்விக்கப்பட்டட இத்தகைய திருத்தங்களை உள்ளடக்கி இல்லாவிடில் மேம்பாட்டின் பின் தங்கள் Lohit Tamil எழுத்துரு வேதாளம் மறுபடியும் முருங்கை ஏறும் கதையில் போல அந்த ஷ வழு மீள்வரும்.
அவ்வாறு நடைபெறுமாயின் மறுபடியும் myfonts அடைவினுள் நுழைந்து மேற்காட்டிய படிகள் 6 மற்றும் 7 இல் உள்ளவைகளை மீண்டும் செய்ய வேண்டும். எனவே ஷ வழுவிற்கான திருத்தம் உபுண்டு பொதிக்குள் வரும் வரை Lohit-Tamil.ttf எழுத்துருவை தொடர்ந்து காப்பாக வைத்துக் கொண்டிருங்கள்.
தற்போது திருத்தப்பட்ட எழுத்துருக்கான கோப்பின் மூலப் பெயர் Lohit-Tamil.ttf எனவும் ஆனால் நமது கட்டகம் இயக்குவிக்கும் கோப்புக்கு பெயர் lohit_ta.ttf எனவும் இருக்கும் வேறுபாடு உள்ளதை அவதானிக்கவும்.
முன்னர் lohit_ta.ttf என்றே கோப்புக்கு பெயரிட்டு வந்ததாகவும் வருங்காலத்தில் பெடோராவில் Lohit-Tamil.ttf என்ற பெயருடனே எழுத்துரு இயக்குவிக்கப்பட இருப்பதாகவும் வழு தீர்த்த திரு. பிரவின் அவர்கள் ஓர் அரட்டையில் எனக்கு விளக்கி இருந்தார். டெபியன் , உபுண்டுகளில் அத்தகைய மாற்றம் வருங்காலத்தில் வரும். அதுவரை இயக்குவிக்கப்படும் கோப்பின் பெயரை தற்காலித்தில் உள்ளவாறு lohit_ta.ttf எனவே தொடரும்படி நான் பரிந்துரைப்பதற்கும் தொழில்னுட்பக் காரணங்கள் உண்டு.
வணக்கம் சேது, விரிவான விளக்கத்துக்கு நன்றி. ஆனால், நான் மேற்கண்ட முறையைப் பின்பற்றாமல் தானாகவே ஷ வழு தீர்ந்த மாதிரி தெரிகிறது. ஒரு வேளை, வழமையான உபுண்டு இற்றைப்படுத்தல்களில் இதுவும் தானாக இற்றைப்படுத்தப்பட்டிருக்க வாய்ப்புண்டா?
கா. சேது | K. Sethu
Administrator
உபுண்டு இற்றைப்படுதல்களில் இந்த வழு தீர்க்கப்பட்ட Lohit Tamil எழுத்துரு இதுவரை உள்ளடக்கப் பட்டிருக்கவில்லை. ttf-indic-fonts-core பொதியை இன்று சில மணிகள் முன் மீள் நிறுவி சோத்தித்தே இதைத் தெரிவிக்கிறேன். நிறுவப்படும் அப்பொதியின் வெளியீடு 1:0.5.4ubuntu2. உபுண்டு பொதிகள் தேடல் பக்கம் http://packages.ubuntu.com/search?keywords=ttf-indic-fonts-core&searchon=names&suite=karmic§ion=all இல் காட்டப்படுவதும் இதுவே. அது main repo வில் உள்ளது.
அதே வலைப் பக்கத்தில் "karmic-updates" எனத் தெரியும் தொடுப்பைச் சொடுக்கிப் பாருங்கள். தேடலில் அப் பொதி அக் களஞ்சியத்தில் காணப்படவில்லை எனக் காட்டும். அதாவது சுமார் 4 வாரங்கள் முன் வந்த 9.10 இறுதி வெளியீட்டுக்குப்பின் இந்த ttf-indic-fonts-core உபுண்டுப் பொதியின் மேம்பாடுகள் ஒன்றும் வரவில்லை.
அடுத்து "karmic-updates" தொடுப்புக்கு அடுத்து இருக்கும் "karmic-backports" தொடுப்பை அழுத்தி பார்க்கவும். அங்கும் தேடலில் அப் பொதி காணவில்லை என அறிவிக்கும். அதாவது 3 ஆம் தரப்பினர் உபுண்டுவிற்குக் கொடுக்கும் சோதனை பொதிகளிலும் யாரும் மேம்பாடு ஒன்றை முன் வைக்கவில்லை.
அடுத்து கடைசியில் இருக்கும் "lucid" தொடுப்பை அழுத்தி பார்ப்பின், அது முன்னர் நாம் பார்த்த main repo காட்டும் 1:0.5.4ubuntu2 வெளியீட்டையேக் காட்டும். "lucid" பெயருள்ள களஞ்சியமானது April 2010 இல் வரவுள்ள உபுண்டு 10.04 (Lucid Lynx) க்கானது. அதன் முதல் Alpha -1 சோதனை வெளியீடு வரும் வாரத்தில் (டிச 3) வரவுள்ளது. (எப்போதும் ஒரு புதிய வெளியீடு ஆக்கத்தின் ஆரம்ப கட்டங்களில் பொதியொன்று அதற்கு முன்னைய வெளியீட்டில் உள்ளவாறு அல்லது அதற்குப்பின் மேம்பாடுகள் வந்திருப்பின் கடைசியாக வந்த மேம்பாட்டுப்படி புதிய வெளியீட்டின் முதல் சோதனைப் பதிப்பில் உள்ளடக்கி மேம்படுத்தல்கள் தொடரும்).
தாங்கள் 3 ஆம் தரப்பு (PPA போன்ற) ஏதாவது களஞ்சியத்தில் இருந்து ttf-indic-fonts-core க்கு மேம்பாடு பெற்றீர்களா? தங்கள் Synaptic Package Manager இல் துரித தேடல் பெட்டகத்தில் ttf-indic-fonts-core என முழுப் பெயர் இட்டுத் தேடலை அழுத்துங்கள். உடனடியாக வரும் ஒரு வரி பட்டியலில் நிறுவப்பட்டிருக்கும் பொதி பெயர் அதன் "Installed Version", "Latest Version" தகவல்களைப் பாருங்கள்.
நான் தற்போது எனது கணினியில் பார்ப்பது போல இரண்டும் 1:0.5.4ubuntu2 எனவேக் காட்டப்படின் மேம்பாடு ஒன்றும் இற்றைப்படுத்தப் படவில்லை என்பது உறுதியாகும். அப்படித்தான் தங்கள் கணினியிலும் இருக்கும் எனவே ஊகிக்கிறேன்.
அவ்வாறு வழு உள்ள lohit tamil எழுத்துருதான் வைத்திருப்பினும் தாங்கள் தானாக வழி தீர்ந்துள்ளாதாகக் காண்பதற்கு வேறு ஒரு காரணம் உள்ளது. அதைப் பற்றி அடுத்த பதிவில் தொடர்வேன்.
கா. சேது | K. Sethu
Administrator
ரவி
வழு அகற்றப்படாத Lohit Tamil எழுத்துருவை வைத்திருக்கையில் தாங்கள் பார்த்த உரையை வழா நிலைத் தோற்றமாக்கிக் காட்டிய எழுத்துரு Lohit Tamil அல்ல ஆனால் இன்னொன்று (அதுவும் TSCu_Paranar) என்பதே எனது கற்பிதம்!
நான் எனது முதல் மறுமொழியில் சுட்டிக் காட்டியவாறு இந்த ஷ வழு (எந்தவொரு எழுத்தையும் அடுத்து ஷ உள்ளிட அது விலகாமல் மேலேறிச் சேர்ந்து வருவது) lohit tamil எழுத்துருவில் மட்டும்தான் இருந்தது. FreeSerif, TSCu_Parnar - ஏனைய TSCu மற்றும் TAMu மற்றும் SooriyanDotCom, ThendralUni - இவற்றிலெல்லாம் அவ் வழு இல்லை.
http://tamilfoss.org/topic/உபுண்டுவில்-தமிழ்-எழுத்துருக்க இழையில் தாங்கள் முன் வைத்த பிரச்சினைகளையும் நான் அளித்த விளக்கங்களையும் சற்றுப் புரட்டிப் பாருங்கள். அதில் நான் "இரண்டாம் நிலை" என குறிப்பிட்ட நிலையில் தற்போது உள்ளீர்கள். அதுதான் ttf-tamil-fonts பொதி நிறுவி (அதானால் நிறுவப்பட்ட TSCu வகை எழுத்துருக்களில் Paranar க்கான 3 எழுத்துருக்களையும் நீக்காமல்) இருக்கும் நிலை.
இந்நிலையில் எனது இந்த திரைக்காட்சியில் http://sites.google.com/site/upuntuviltamil/ayvu/SHA-compare-sans-and-serif.png மேலே பச்சை வண்ண பின்னனி உடனான முனையத்தில் காட்டப்பட்டது போல நான்கு fc-match கட்டளைகளை ஒரு முனையத்தில் இட்டால் serif க்கும் mono விற்கும் Lohit Tamil எனவும் sansக்கும் பொதுவாக வகைப் படுத்தப்படாதவைக்கும் TSCu_Paranar எனவும் விருப்பப் பொருத்தங்கள் நிலையிலுள்ளது எனப் புலனாகும்.
தாங்கள் திரு பத்ரியின் வலைப்பக்கத்தைப் பயர்பாக்சில் பார்வையிட்டிருப்பீர்கள். மேற்குறிப்பிட்ட எனது திரைக்காட்சியில் இடமும் வலமும் உள்ள இரு பயர்பாக்சு நிகழ்ச்சிகளில் Proportonal வகையீடு மற்றும் "Serif", "Sans-serif" "Monospace" ஆகியனவற்றின் தெரிவுகள் முன்னிருப்பு இயல்பு நிலையிலிருந்து மாற்றம் அற்றதாக உள்ளதை முதலில் அவதானிக்கவும். (மேலும் "Fonts for" இற்கு Western க்கான தெரிவுகளையே Tamil க்கும் அமைத்துள்ளேன் அதில்).
அடுத்ததாக "Allow pages to choose their own fonts, instead of my selections above" என்பதைச் சரி எனத் தெரிவு செய்திருப்பின் வழா நிலையில் இருப்பதையும் ஆனால் சரி குறியீட்டை அகற்றி நமது தெரிவுகளைத்தான் திணிப்பின் அவ் வழுவுள்ள நிலையில் இருப்பதையும் அவதானிக்கவும்.
பத்திரியின் வலைப்பதிவு பக்கத்தில் அநேகமான தமிழ் வலைப்பக்கங்களிலும் போல ஒரு குறிப்பிட்ட எழுத்துரு வகைதான் பயன்படுத்த வேண்டும் என்று அல்லாமல் பொதுவாக தமிழ் UTF-8 உரைகளுக்காக ஆக்கப்பட்டுள்ளதால் அது ஒரு வகைப் படுத்தப்படாத எழுத்துரு எனக் கணிக்கப்பட்டு அதற்கு TSCu_Paranar பொருத்தப்படுகிறது இடது பக்கத்தில். அவ்வெழுத்துரு வழுவற்றது - எனவே பயர்பாக்சு தோற்றமாக்கலிலும் வழு இல்லை. (ஆனால் Paranar குடும்ப எழுத்துருக்கள் அகற்றப்பட்டிருப்பினோ அல்லது ttf-fonts-tamil நிறுவப்பட்டிருக்காவிடினும் lohit tamil பொருத்தப்பட்டு அவ்விடத்தில் வழு தெரியும்).
அடுத்து திரைக் காட்சியின் வலது பக்கத்தில் வலைப்பக்கத்தின் தெரிவை அல்லாமல் நமது தெரிவைத் திணிக்கையில் முன்னிருப்பு இயல்பாக Proportional க்கு Serif எனவும் அவ்வகைக்கு serif பொது எழுத்துரு எனவும் அதற்குப் பொருத்தப்படும் தமிழ் எழுத்துரு Lohit Tamil எனவும் உள்ளதால் உரையில் இவ் வழு நிலைக் காணப்படுகிறது. (அங்கும் Proportional க்கு Sans-serif வகை என மாற்றினால் அதற்கு TSCu_Paranar பொருதப்பட்டு உரை வழாநிலை அடையும் )
தாங்கள் ttf-tamil-fonts பொதியை மீள நிறுவிய பின் பயர்பாக்சில் எல்லாம் முன்னிருப்பு இயல்புகளிலேயே இருக்க பத்ரியின் வலைப்பக்கதை மட்டும் பார்த்து வழு நிலை விலகிவிட்டது என முடிவு எடுத்துள்ளீர்கள் என்பது எனது ஊகம் - சரிதானே?
வழு எழுத்துருவினுள் உள்ளதே அன்றி பயர்பாக்சில் மட்டும் ஏற்படும் ஒன்றல்ல என்பதைக் கருத்தில் கொண்டு ஓர் உரைதிருத்தியில் அவ்வழு lohit tamil உடன் ஏற்படுகிறதா எனச் சோதித்திருப்பின் தாங்கள் அம் முடிவுக்கு வந்திருக்க மாட்டீர்கள். காட்டாக எனது இத் திரைக்காட்சியில் பார்க்கவும் : http://sites.google.com/site/upuntuviltamil/ayvu/kaa-sha-gedit-compare-LT-FSerif.png . அது gedit இல் க இடுத்து ஷ அதாவது "கஷ" என உள்ளிட்டு gedit இன் எழுத்துரு விருப்பத்தேர்வு Lohit Tamil ஆயின் வழு நிலையும் Free Serif ஆயின் வழா நிலையும் காணலாம். வேறு எந்த தமிழ் உள்ள எழுத்துருவுடனும் வழா நிலை காணலாம்.
தங்கள் மீளாய்வில் எனது ஆய்வு சரிதான் எனத் தெரிந்தால் வழு அகற்றப்பட்ட Lohit-Tamil எழுத்துருவை நான் காட்டியவாறு இற்றைப்படுத்தி கொள்ளுங்கள். அப்படி அல்ல வேறு நிலவரங்கள் என்றால் தெரிவியுங்கள் - புதிய புதிர் ஏதாவது உடைக்க உள்ளதா எனப் பார்க்க வேண்டும். ;>)
You must log in to post.
