ரவி
முதற்கண் பல நாட்கள் தாமதத்தின் பின் தொடருவதற்கு மன்னிக்கவும்.
எனது வினா 1. தாங்கள் கனோம் (GNOME) கணிமேசைத் தானே பயன்படுத்துகிறீர்கள் ?
(கேடீஈ, xFce என ஒரு வேறு கணிமேசையானாலும் தாங்கள் கண்ட பிரச்சினைகள் எழலாம். ஆனால் நான் பயன்படுத்துவது கனோம் என்பதால் ஒரு மாற்று கணிமேசைப் பயன்பாட்டில் பிரச்சினைகளும் தீர்வுகளும் ஒரே மாதிரி ஆனவைகள் என நான் உறுதிப்படுத்த அம் மாற்று கணிமேசையில் முயன்று பார்க்க வேண்டடியிருக்கும் என்பதால்தான் அவ் வினா).
-----------------------------------------------------------------------------------------------------
அடுத்தாக தாங்கள் எழுதியதில் :
//உபுண்டு 9.04 நிறுவும் போது ஆங்கிலப் பொதி மட்டும் நிறுவினேன். அதில் firefoxல் இயல்பிருப்பாக காட்டப்பட்ட தமிழ் எழுத்துரு பிடித்திருந்தது. //
அது தமிழ்ற்கான பொதிகள் ஒன்றும் நிறுவப்படாத ஓர் ஆரம்ப முன்னிருப்பு நிலை.
இந் நிலையில் முன்னிருப்பு இயல்பாக நிறுவப் பட்டிருக்கப்படும் தமிழ் எழுத்துவடிவங்கள் உள்ளடக்கிய எழுத்துருக்களும் அவற்றை இற்றைப்படுத்தும் பொதிகளும், அவை நிறுவப்பட்டிருக்கும் அடைவு-கோப்பு பெயர்களும் வருமாறு:
1. "Lohit Tamil" ; ttf-indic-fonts-core ; /usr/share/fonts/truetype/ttf-indic-fonts-core/lohit_ta.ttf
2. "FreeSerif" / ttf-freefont ; /usr/share/fonts/truetype/ttf-freefont/FreeSerif.ttf
3. "FreeSans" / ttf-freefont; /usr/share/fonts/truetype/ttf-freefont/FreeSans.ttf
அவற்றில் 3 வது "FreeSans" ஆனது தமிழ் உள்ளடக்கிய எழுத்துரு ஒன்றென Fontconfig கட்டமைப்பு அறியாது. அவ்வெழுத்துரு பல தமிழ் வரியுருகளையும் உள்ளடக்கியது பற்றி அதன் விவரக்குறிப்பீட்டில் (specifications) காட்டப்படவில்லை போலும் !
முதல் இரண்டில் Lohit Tamil எழுத்துருவைத்தான் sans, serif மற்றும் mono பொது எழுத்துருக்களுக்கு fontconfig கட்டமைப்பு பொருத்தும். மேலும் கணினியில் நிறுவப்பட்டிராத ஓர் எழுத்துருப் பயன்பாட்டை ஒரு செயலி வேண்டுகையில் அவ் எழுத்துரு அம் மூன்று பொது எழுத்துருக்கள் வகைகள் ஒன்றிலும் அடங்காது எனக் கணிக்கப்படின் அதற்கும் பொருத்தப்படுவது Lohit Tamil தான்.
மேற்கூறியவற்றை உறுதிபடுத்துவதற்கு fc-match கட்டளையுடன் இடும் syntax, மற்றும் மேலே குறிபிட்டவாறு FreeSans தமிழ் வரியுருக்களை உள்ளடக்கியது பற்றி Fontconfig கட்டமைப்பிற்கு ஓர் அறியாமை உள்ளது என்பதையும் உறுதிப்படுத்த fc-list கட்டளையுடன் இடும் syntax ஆகியன பற்றிய விளக்கங்கள் பின்னர் எழுதவுள்ளேன். (அவை சற்று ஆழாமான விடயங்கள் !). தற்போதைக்கு எனது http://sites.google.com/site/upuntuviltamil/ayvu/fc-cmds-1.png என்ற திரைக்காட்சியில் அக் கட்டளைகள் இம் முதல் நிலையில் பயன்படுத்தி வரும் மறுமொழிகள் காணலாம்.
(இம் மடலில் நான் காட்டும் திரைக்காட்சிகள் எல்லாம் ஓர் உபுண்டு - 9.04 நிகழ்வட்டு அமர்வில் ஆக்கப்பட்டவை. சிக்கன நடவடிக்கையாக நிறங்களை மிகவும் குறைத்துள்ளதால் அவற்றில் சில வெளிறிய தோற்றம் காட்டுவதைக் காண்பீர்கள்)
அடுத்து பயர்பாக்சில் Edit-->Preferences-->Content-->Advance அழுத்தி வரும் எழுத்துரு தேர்வுகளுக்கான உரையாடலில் Fonts for: என்பதற்கு "Western" மற்றும் "தமிழ்" ஆகிய இரு அடிப்படைகளுக்கு முன்னிருப்பு இயல்புகளின் திரைக்காட்சி பார்க்க : http://sites.google.com/site/upuntuviltamil/ayvu/FF-prefs-compare.png
நாம் த்ற்போது அலசிக்கொண்டிருக்கும் முதன் நிலையில் பயர்பாக்சின் மேற்காட்டிய முன்னிருப்பு இயல்புகளுடன் தமிழ் உள்ள பக்கங்கள் மாதிரி இரண்டின் ஒரு திரைக்காட்சியை எனது பின்வரும் வலைப்பக்கத்தில் வைத்துள்ளேன். பார்க்கவும் :
http://sites.google.com/site/upuntuviltamil/ayvu/FF-Compare-1.png
அத் திரைக் காட்சியில் இடது பக்கம் உள்ளது தங்களது வலைப்பதிவு என்பதால் தாங்கள் சோதனைகளில் கட்டாயம் அப் பக்கத்தையும் பார்த்திருப்பீர்கள் என ஊகிக்கிறேன். இரண்டிலும் தோற்றம் காட்டுவது Lohit Tamil எழுத்துருவினால். வேறு அநேக வலைபக்கங்களிலும் அவ்வாறே தென்படும். ஆனால் அலங்கடையாக எங்காவது வலைப்பக்கம் ஆக்கியவர் நம் கணினியில் இந் நிலையில் நிறுவியிருக்கும் Free Serif மற்றும் Free Sans எழுத்துருக்களில் ஒன்றைப் பயன்படுத்தி இருப்பின் அவ் எழுத்துருவினால் தான் தோற்றம் இருக்கும். காரணம் "Allow pages to choose there own fonts, instead of my selections above" என்ற தேர்வு பயர்பாக்சின் Fonts உரையாடலில் முன்னிருப்பாக உள்ளதால். அதை அகற்றினால் Lohit Tamil ஆகிவிடும்.
எனது வினா 2 : நினைவில் இருப்பின் அப் பயர்பாக்ஸ் திரைக் காட்சியில் போலவா தமிழ் உள்ள அநேகமான வலைப் பக்கங்களிலும் தமிழ் உரைகளின் தோற்றங்கள் முதல் நிலையில் காணப்பட்டன ?
---------------------------------------------------------------------------------
அடுத்து தாங்கள் அடைந்த இரண்டாம் நிலை :
//ஒரு சோதனைக்காக தமிழ் பொதி நிறுவிய பின் தானாய் மாறி வந்த எழுத்துரு பிடிக்கவில்லை.//
தமிழிற்கான பொதிகள் நிறுவுகையில் ttf-tamil-fonts எனப் பெயருள்ள பொதியும் நிறுவப் பட்டிருக்கும். அது /usr/shar/fonts/truretype/ttf-tamil-fonts என்ற அடைவினுள் 8 எழுத்துருக்களுக்கான ttf கோப்புக்களை நிறுவுகிறது. அவை : TSCu_Paranar (Regular), TSCu_Paranar (Bold), TSCu_Paranar(Italic), TSCU_Comic, TSCu_Times, TAMu_Maduram, TAMu_Kadambari, TAMu_Kalyani ஆகியன. மேலே முதல் நிலையில் குறிப்பிட்ட FreeSans க்கு போல இவ் எட்டிலும் TSCu_Paranar(Italic) என்ற ஒன்றை மட்டும் Fontconfig கட்டமைப்பு அறியாது.
serif மற்றும் mono எழுத்துருக்களுக்கு இவ் இரண்டாம் நிலையிலும் பொருத்தப்படுவது Lohit Tamil தான். ஆனால் sans க்கு TSCu_Paranar என மாற்றம் ஏற்படும். மேலும் கணினியில் நிறுவப்பட்டிராத எழுத்துருப் பாவிப்பு எழுகையில் அது அம் 3 பொது வகையில் ஒன்றென கணிக்கப் படாவிடத்து அதற்கும் TSCu_Paranar பொருத்தப்படுகிறது (எல்லா நிலைகளிலும் அத்தகைய மூவகையுள் ஒன்று ஆகாத எழுத்துருக்கும் sans க்கு பொருத்தப்படும் எழுத்துருவே பொருத்தப்படும். காரணம் பொதுவாக அநேக தமிழ் எழுத்துருக்கள் Sans-Serf வகுப்பு பாணிக்காக ஆக்கப்படுவதால்).
மேற்கூறியவைகளை உறுதிப்படுத்தும் கட்டளைகள் மற்றும் மறுமொழிகள் உள்ள திரைக்காட்சி பார்க்க: http://sites.google.com/site/upuntuviltamil/ayvu/fc-cmds-2.png
முதல் நிலையில் நான் காட்டிய இரு வலைப்பக்கங்களின் இரண்டாம் நிலைத் தோற்றங்கள் பார்க்க :
http://sites.google.com/site/upuntuviltamil/ayvu/FF-compare-2.png
அதில் இடது பக்கமுள்ள தங்கள் வலைப்பதிவில் தமிழ் உரை Serif வகை எனக் கணிக்கப்படுகிறது எனத் தெரிகிறது. எனவே மாற்றம் அல்லாமல் Lohit Tamil எழுத்துருவே அதற்கு தோற்றமாக்கலில் பயன்படுத்தப்படுகிறது என ஊகிக்கலாம். மாறாக வலது பக்கம் உள்ள வலைப்பக்கத்தில் தமிழ் உரை Sans வகை ஆக அதற்கான பொது எழுத்துரு sans க்கு இந்நிலையில் TSCu_Paranar பொருத்தப் படுவதால் தோற்ற மாற்றம் காட்டுகிறது. தமிழ் உள்ள அநேகமான வலைப்பக்கங்கள் Sans வகையாதலால் அவ்வாறாகவே இந் நிலையில் தோன்றும் எனவும் கருதுகிறேன். இங்கும் அலங்கடையாக நாம் இந்நிலையில் நிறுவியிருக்கும் 11 தமிழ் எழுத்துருகளில் ஒன்றை உலவும் வலைப்பக்கத்தில் குறிப்பிட்டு பயன்படுத்துவதாயின் வலைபக்கத்தின் சொந்த எழுத்துரு பாவிப்புக்கு அனுமதிக்கும் தேர்வுடன் உலாவி இருப்பின் அக் குறிப்பிட்ட எழுத்துருவினாலேயே தோற்றம் வரும்.
எனது வினா 3 : நினைவில் இருப்பின் அவ் இரண்டாம் நிலையில் அத் திரைக் காட்சியில் போல தங்கள் வலைப்பதிவு பக்கத்தில் மாற்றம் அல்லாமலும் ஆனால் வேறு பல வலைப் பக்கங்ளில் மாறி தங்களுக்குப் பிடிக்காத அவ்வாறான தோற்றங்கள் கண்டீர்களா?
------------------------------------------------------------------------------------------
அடுத்து தாங்கள் அடைந்த 3 ஆம் நிலை :
//அதனால் tamil தொடர்பான அனைத்துப் பொதிகளையும் (எழுத்துருக்கள் உட்பட) synaptic package manager மூலம் நீக்கினேன். இப்போது வரும் தமிழ் எழுத்துரு சுத்தமாகப் பிடிக்கவில்லை :( //
தமிழ் மொழிப் பாவனைக்காக நிறுவப்பட்டுருந்த பொதிகளில் ttf-tamil-fonts உம் அடங்கும் . அதை நீக்குவதால் அதனால் நிறுவப்படும் TSCu_Paranar குடும்பத்தின் 3 எழுத்துருக்களும் நீக்கப்பட்டுவிடும். அந் நிலை முதல் நிலையாகும். ஆனால் தாங்கள் முதல் நிலையில் காணப்பட்டதை விடவும் மாறுபட்ட மோசமாக எழுதுத்துரு தோற்றம் காணுவதற்கு ஒரு காரணம் தான் இருக்க முடியும்.
அதாவது தாங்கள் synaptic package manager இல் tamil என தேடுதல் நடத்தியிருந்திருபீர்கள். பதிலுக்கு வரும் பட்டியலில் ttf-indic-fonts-core என்பதும் காணப்படும். அதையும் தாங்கள் அகற்றி இருப்பீர்கள்! எனவே :Lohit Tamil உம் அகற்றப்பட அது ஒரு மூன்றாம் நிலை.
இந் நிலையில் தமிழ் உள்ள FreeSerif மற்றும் FreeSans எழுத்துருக்களே நிறுவப்பட்டிருக்கும். பொது எழுத்துருக்கள் மூன்றிற்கும் FreeSerif பொருத்தப்பட்டிருக்கும். பார்க : http://sites.google.com/site/upuntuviltamil/ayvu/fc-cmds-3.png
இந் நிலையில் அவ்விரு மாதிரி வலைப்பக்கங்கள் தோற்றமாவது http://sites.google.com/site/upuntuviltamil/ayvu/FF-Compare-3.png திரைக் காட்சியில் உள்ளவாறு.
எனது வினா 4: தற்போது தாங்கள் காண்பது அவ்வாறான தோற்றம் தானே?
விடை இல்லை என்றால் வேறு ஏதோ சிக்கல் ஆகியுள்ளது. அப்படியாயின்
i. தாங்கள் காண்பதை திரைக்காட்சி ஆக்கிக் காட்டுங்கள்.
ii. fc-list மற்றும் fc-match கட்டளைகளை ஒரு முனையத்தில் நான் காட்டிய திரைக்காட்சியில் போல syntax களுடன் இட்டு வரும் மறுமொழிகளைத் தெரிவியுங்கள்.
-------------------------------------------------------------------------------------------
வினா 4 க்கு தங்கள் விடை ஆம் எனில் தாங்கள் செய்ய கூடியன :
i. synaptic pacakge manger இல் ttf-indic-fonts-core என்பதைத் தேடலில் இட்டு வரும் பட்டியலில அப் பொதியைத் தெரிவு செய்து நிறுவுங்கள். மறுபடியும் எல்லாவற்றிற்கும் Lohit Tamil ஆதிக்கமாகும்.
ii. தமிழிற்கான எல்லா பொதிகளையும் நிறுவி பின் ttf-tamil-fonts பொதி அகற்றுங்கள். அதன் மீது சார்ந்த language-support-fonts-ta எனவுள்ள metapacakge உம் அகலும். ஏனைய தமிழ் பொதிகள் உள்ளடக்குவதால் தமிழ் இடைமுகப்பில் கணிமேசையை இயக்க தடங்கல் இல்லை. அத்துடன் தமிழ் இடைமுகப்பில் எல்லா தமிழாக்கப்பட்ட பட்டியல் கட்டளைகள் Lohit Tamil எழுத்துருவிலே தோன்றும்.
iii. ttf-tamil-fonts பொதியில் TSCu_Paranar குடும்பம் தவிர்ந்த ஏனைய எழுத்துருக்கள் எதற்காவது பயன்படுத்த விரும்பினால் அப்பொதியை மீண்டும் நிறுவி விட்டு TSCu_Paranar குடும்பதின் 3 எழுத்துருக்களை மட்டும் அகற்றலாம், முதலில் தங்கள் இல்ல அடைவில் அவற்றைப் படி எடுத்த பின். பின்வருமாறு :
ஒரு முனையத்தில் முதலில் பின்வரும் கட்டளை இடுங்கள்
cp /usr/share/fonts/truetype/ttf-tamil-fonts/TSCu_*aranar*.ttf ~
(கடைசியில் ~ என்ற குறியீடு தங்கள் இல்ல அடைவுக்கான மாற்று பெயர் ஆகும் )
அடுத்து பின்வரும் கட்டளை இடுங்கள்; கடவுச்சொல் கேட்கையில் அளியுங்கள் :
sudo rm /usr/share/fonts/truetype/ttf-tamil-fonts/TSCu_*aranar*.ttf
(அம் மாற்றங்களை fontconfig ஒரு 30 நொடிகளுள் தானியக்கமாக இற்றைப் படுத்திவிடும்)
வழங்கலில் இருந்து வரும் அந்த TSCu-Paranar எழுத்துருக்களை நீக்காமல் அதை தேவைப்படுகையில் (ஓபன் ஆபிசு போன்ற செயலிகளில்) பயன்படுத்தக் கூடியதாகவும் அதே நேரத்தில் பயர்பாக்சிலும் கணிமேசை தமிழ் இடைமுகப்பிலும் அது பாவிக்கப்படாமலும் அமைக்க முடியுமா என வினவுவர்கள் இருக்கலாம்.
ஆம் இயலும் - இரு வழிகள்:
a. fontconfig கட்டமைப்பு sans க்கு TSCu_Paranar பொருத்துவதால் பயர்பாக்சின் எழுத்துரு தேர்வு உரையாடல் மற்றும் கணிமேசையின் System-->Preferneces-->Appearance-->Fonts உரையாடல் ஆகியனவற்றில் sans (அல்லது sans-serif ) எனவுள்ள தெரிவுகளை serif க்கு மாற்றுவது அத்துடன் பயர்பாக்சில் Proportional க்கு Serif மட்டும் பயன்படுத்துவது. இம் முறைமையை ஒரு நேர் அணுகுவழி (Pedestrian approach) எனலாம்.
b. சென்ற மடலில் நான் குறிப்பிட்டவாறு ஆழ மட்ட அமைவடிவாக்கல் (lower level configuration). அதன் சிறப்பானது மேற்காட்டியபடி ஒவ்வொரு செயலிகளின் எழுத்துரு தெரிவுகளை மாற்றிக் கொண்டிருக்காமல் அடிப்படையான 3 பொது எழுத்துருக்கள் ஒவ்வொன்றும் தமிழிற்குப் பயன்படுத்தும் எழுத்துருவை பயனரது விருப்புக்கேற்ப வேறு எந்த ஒரு எழுத்துருக்கு மாற்றுவதற்கான வழி என்பதே.
அதை விளக்கி பின்னர் கட்டுரையாக ஆக்கிப் பதியவுள்ளேன்.
~சேது
